-Ние сме во овој момент, понижени и ограбени за нашиот идентитет, за нашето минато, за нашата историја. Преку ова не смее да помине ниту еден Македонец. Ова е срам за нашата држава, срам за нашиот народ, рече Виктор Јосифовски од иницијативата „Доста е партија, сите за Македонија".

-Ние што сме за Македонија ќе се бориме за неа на сите можни начини. Ние од црквата и со молитва, но ако треба ќе земеме и оружје в раце и нема да седиме со скрстени раце, ќе го браниме она што е наше и свето, што сме го наследиле од нашите предци и што треба да го оставиме на нашите поколенија, рече протојереј Стеван Здравевски.

На протести денеска повика навивачката група Чкембари преку социјалните мрежи.  Граѓаните од плоштадот Магнолија маршираа до Офицерскиот дом и ги повикуваа битолачани кои седеа во кафулињата да им се приклучат.