Покрај официјалните средби со градоначалници на општини од градот Ајдин, градоначалникот Кузманоски и градоначалничката Гулевска ги посетија туристичките места кои се под заштита на УНЕСКО, популарното Памуккале, античкиот локалитет Ефес, куќата на Богородица, гробот на Св. Јован Крстител во градот Селџук, како и туристичките места Кушадаси и Дидим. 

Во градот Ајдин живеат повеќе од 300.000 иселеници од Македонија, кои што се населиле во педесетите години на минатиот век. Но, иако изминале многу години сеуште ја чуваат својата традиција, култура, а исто така говорат и македонски јазик. Оваа година во градот Ајдин по 18. пат се одржува фестивал на македонска култура и музика, на кого што на првата фестивалска вечер градоначалниците на општините Новаци и Могила се здобија со највисоки признанија за успешна меѓуопштинска соработка и збратимување на македонските со турски општини.

Првата фестивалска вечер се одржа во поранешната општина Чештепе во градот Ајдин, каде што градоначалниците остварија средба со турските иселеници од Македонија. 

Градоначалниците на општините Могила и Новаци остварија средба и со градоначалникот на Општина Дидим, а исто така се одржа и состанок со лица од бизнис секторот пред кои што беа

презентирани можностите за инвестирање во општините Новаци и Могила.