АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Синоќа АМСМ објави дека има прекин на сообраќајо на патот А3 Битола-Ресен, односно од бензинската пумпа Лукоил до раскрсницата кај село Крклино, поради свлечиште. Ова известување и денеска стои на нивната веб страница, но подолу во информациите за работи на патот, денеска објави соопштение дека оваа делница е затворена поради рехабилитација на битолската обиколница.
„Илинден“ АД Струга известува дека од 25.08.2018 година, поради рехабилитација на битолската обиколница, на потегот од бензинската ЛукОил, на влез од Битола, до с. Крклино, сообраќајот ќе биде во прекин се до завршување на градежните работи, истиот ќе се пренасочува преку градот Битола“, пишува на веб страницата на АМСМ
Оваа информација за апла.мк ја потврдија и од ЈП Македонија пат, од Јавното претпријатие за државни патишта и изведувачот на работите „Илинден“ од Струга, од каде велат дека подготовките за отпочнување на градежните работи се во тек, поставени се сообраќајни знаци за времена измена на режимот на сообраќај, а активносите ќе почнат во текот на наредната недела.
