По родната куќа, учениците и наставниците го посетија и училиштето „Видое Подгорец“ во родното село на авторот , Колешино, каде засадја и дрво на другарството и пријателството. Со тоа и се обврзаа присутните на повторна средба и продлабочување на соработката и учество на литературната манифестација со цел да прерасне во традиција и да прерасне во меѓународна манифестација со учество на соседните држави, ако не и пошироко.

„На манифестацијата писателот Киро Донев рече дека иако се одржува по 17 пат му се чини дека годинава е првпат токму поради променетиот изглед на фестивалот на детска литература. Тој со многу емоции говореше за зачетокот на овој литературен фестивал, кој идејно тргнал од една група блиски луѓе на Подгорец и првите години во фокусот бил симпоизумот за неговото творештво„, рече наставничката Гордана Угриновска.

Најголемиот дел од активностите се одржаа во НУЦК „Антон Панов“. „Просветно дело“ кои се дел од организацијата на манифестацијата организираа советување за наставниците за Употребната вредност на литературата за деца во списанијата „Росица“, „Другарче“, „Развигор“ и „Наш свет“.