Повикот има за цел да се истакне важната улога на наставникот за развојот на целокупното општество и да се промовира наставничката професија како професија со голема одговорност за поттикнување соработка, соживот, разбирање и инклузија на ученици со различни можности, различно етничко, социоекономско, јазично и културно потекло.

„Фондацијата Отворено општество - Македонија верува дека наставниците се најважната алка во воспитно-образовниот процес и дека тие со своето знаење, компетенции но и со иновативната пракса и пристапи на работа придонесуваат за поттикнување на критичкото мислење, креативноста, примената на наученото и развојот на социјалните компетенции кај учениците. Им благодариме на сите пријавени за интересот за овој повик, им честитаме на наградените и им оддаваме признание на сите наставници во РМ кои со својата секојдневна работа несебично се вложуваат за квалитетно образование на нашите деца“, наведуваат од ФООМ.

Инаку Мите Ристов е познат граѓански активист, а исто така е претседател на Регионалното географско друшво „Геосфера“, кое во изминатиот период реализираше повеќе активности и истражувања за загадениот воздух во Битола, при што беа посочени причините и понудени мерки за намалување на аерозагадувањето.