По повод Светската недела на детето, на ден 10.10.2019 година во ОУ „Гоце Делчев“ Битола, традиционално се реализираше свечен прием на учениците од прво одделение во детската организација. Учениците од прво одделение дадоа свечена заклетва со која се обврзуваат дека ќе учат вредно и ќе постигнат резултати во учебната година. Учениците од повисоките одделенија во нивна чест реализираа свечена приредба.

Под мотото „ Имаме право на среќно детство“ првачињата ги воведовме во образовниот процес. Од друга страна ги запознаваме со нивните права, за кои подоцна во училиштето ќе се говори повеќе како и за обврските кои треба да ги исполнат. Во оваа пригода сакам да им посакам добедојде, пријатен престој во училиштето и успех во учењето на нашите нови ученици -рече директорката Биљана Стојковска.

За учениците од прво оделение следеа и скромни подароци со цел одбележување на овој свечен чин за нив.