-Нема поголема радост од радоста за нов живот, пет минути после полноќ го имаме првото бебе во Битола, женско, Евгенија, која ни донесе радост на сите. Нека е здрава и жива, да и се радуват во семејството, да има спокоен живот, да ни израсне во голем човек и со неа да се гордееме како битолчани. Честитки и до екипата која што се вложи да го имаме овој радосен момент и годинава нека ни биде бериќетна на сите, рече Петровска.

Раководителот на одделението, прим. д-р Елизабета Чипуровска, од името на дежурната екипа им ја честита Новата година на сите граѓани.

-За време на новогодишната ноќ имавме доста работа, пред доаѓањето на новата година се породија две пациентки, треторотки, а во новата година, првото бебе породено по нормален пат од мајка Анита дојде на свет 5 минути по 12 часот, со тежина од 3.530 грама. Се течеше во најдобар ред и мајката и бебето се во одлична состојба“, истакна Чипуровска.

Градоначалничката  на првороденото бебе му подари ваучер во вредност од 20.000 денари, а на мајката и останатите родилки им подари букети цвеќе..