Независната иницијатива „Поинаку“ изготви проект за изградба и одржување на прифатилиште за бездомни животни како подарок за Општина Битола. На Општината останува само да го одобри проектот.
 
„Со овој проект директно се вклучуваме во решавањето на овој проблем и подобрување на сликата за Битола и безбедоста на граѓаните.Временскиот период за овој проект е неограничен, бидејќи е факт дека општина Битола нема прифатилиште за бездомни животни и со самото игнорирање на овој проблем, бројката на скитници станува се поголема, а исто така и опасноста на жителите на Битола“, велат од „Поинаку“.

Оваа сабота на Плоштад Магнолија проектот ќе биде презентиран пред граѓаните.