На митингот најавено е дека ќе се обратат претседателот на СДСМ Зоран Заев, кандидатката за градоначалник Наташа Петровска и носителот на кандидатската листа со советници Валентин Груевски.

Портпаролот на СДСМ од Битола, Борче Корлевски, рече дека поради важноста на нашиот град одлучиле  првиот митинг да го одржат токму во Битола.

-На митингот ќе ви ги претставиме нашите идеи  за еден поинаков, почист, позелен  и економски побогат град , во кој спортот ќе си го добие назад својот сјај. Кандидатката за градоначалник е истакнат борец  за доброто на градот  која заедно со советниците  со единственост, работа и ентузијазам ќе ја направат Битола да биде победнички град- рече Корлевски.