-Дел од стратегијата на  МВР е кога ги посетуваме полициските станици да разговараме и со локалната самоуправа и заеднички да ја вратиме врската меѓу граѓанинот и полицијата. Денеска разговаравме за неколку теми. Едната е давањето насоки за воспоставување на позорната служба односно маалскиот полицаец на подрачјето на СВР Битола. На средбата со градоначалникот на Општина Битола Наташа Петровска, се согласивме дека маалскиот полицаец е најдобар партнер со граѓаните и дека на тој начин ќе ја зголемиме безбедноста на граѓаните. Втората е активирање на советите за превенција со конкретен акционен план за посета на сите месни заедници во општините заедно со припадници на МВР, да се разговара за проблемите на граѓаните и на тој начин да придонесеме за враќање на довербата во полицијата кај граѓаните- рече министерот Спасовски.

 Министерот Спасовски потенцираше дека еден од приоритетите кој ќе се реализира во соработка со локалната самоуправа е средување на состојбите во сообраќајот во градовите. Тој денеска, покрај Битола,  ги посети Прилеп и Ресен, каде се сретна со градоначалниците на овие општини.