Битола не е само град на загаден воздух, туку и место опкружено со природни убавини. Токму, за битолчани кои од секојдневни обврски деновиве немаа време да пропешачат низ околните ридови, ви ги пренесуваме убавините низ фото објективот на познатиот битолски фотограф Сашо Ставрев. Фотографиите покажуваат колку е дарежлива природата на ридот кај месноста Смолево над Битола. Дождот кој наврна деновиве благопријатно делуваше врз вегетацијата, па ја збујни уште повеќе. Смолево е одлучно место за бегство од градскиот метеж и уживање во сликите, боите и мирисот на природата.