Почна изградбата на колекторскиот систем на Пелистер

Јули 25, 2018

 

Денеска започна изграбата на колекторско-канализациониот ситем во Потпелистерието. Градежните активности се одвиваат на потегот од месноста Црвени Петли кон селата Трново и Магарево, а во првата фаза ќе бидат вложени 6,8 милиони денари.

-Заложбите на локалната самоуправа за добивање на поддршка од UNDP за прочистителна станица е успешно завршен. Со тоа се создава една функционална целина за започнување на прочистителен систем во подпелистерието, велат од општина Битола.

DSC 1141

Проблемот со отпадните води на Пелистер се провлекува со години. Сместувачките капацитети и селата во Потпелистерието немаат канализација, а септичките јами ја загаудваат животната средина и планинските водотеци. Анализите на Центарот за јавно здравје секоја година покажуваат бакетериолошки неисправна вода од селските водоводи, но и од јавните чеми на Пелистер.

-Ќе се постави дел од колектор за прифаќање на фекалните води од Националниот парк „Пелистер“, почнувајќи од хотелот ‘Молика’, потоа Детско одморалиште ‘Пелистер’, селата Трново и Магарево, сè до поранешната живинарска фарма каде е планирана изградба на пречистителна станица“, изјави неодамна и директорот на ЈП „Нискоградба“ од Битола, Методи Силјановски.

DSC 1137

Изградбата на колекторскиот систем е од исклучително значење за зачувување на природните богаства во Националниот парк „Пелистер“.

DSC 1145

 

 

 

Сподели

Login to your account

Username *
Password *
Remember Me
© 2021 АПЛА.мк. Сите права се задржани