Скелињата се поставени, страничните делови  од фасадата на Основиот суд добија нов лик, а во наредниот париод се очекува целосна обнова на двете згради каде се сместени судовите и обвинителството. Работите ги изведува фирмата „Бокоп“ –Боровац.

После Скопје, Битола беше вториот најактивен град во „Шарената револуција“ уште од самиот почеток. Битолчани гневни на  скандалозната одлука на Иванов за помилување на политичарите, на 7 мај  го обоија Основниот суд во Битола. Потоа протестите продолжија со месеци со барање оставка од тогашниот градоначалник  Талески, зошто против него и дваесеттина негови соработници, превозници  и директори на училиштата, Специјалното обвинителство отвори предистражна постапка поради злоупотреби со превозот на учениците.

Говорниците на протестите пред две години симболично ги врзаа Општината, Судот и Полицијата велејќи дека  тоа е Бермудскиот триаголник на Битола во кој што е изгубена правдата.