Пред еден месец  БИМИЛК  подари ново место за спорт и рекреација во Општина Карпош како  значајниот придонес на млекарницата  за своите корисници и чекорите за подобрување на нивниот живот и условите во општеството, преку помагање на спортот, културата, едукацијата на младите и грижата за сите категории граѓани. Уште тогаш од БИМИЛК открија дека и градот Битола ќе добие своја Balans+ Зона, а слични рекреативни катчиња најавија и за другите градови во Македонија.

-Оваа т.н. Balans+ Зона е само уште еден доказ дека главниот фокус на нашата компанија е здравјето, и тоа не само преку обезбедување здрави млечни производи за нашите потрошувачи, туку и преку континуирана поддршка на рекреацијата и спортот. Во денешново динамично живеење, од огромна важност е да остваруваме баланс помеѓу семејството, работата и времето посветено за себе и затоа веруваме дека ова спортско катче ќе помогне во остварувањето на потребниот баланс, а, меѓу другото, ќе обезбеди и уживање за сите генерации“, изјави Полексена Јанкуловска, маркетинг менаџер во Бимилк на отворањето на зоната во Скопје.