И од Јавното претпријатие за државни патишта потврдуваат дека започнува да се реализира проектот за рехабилитација на коловозот на овој дел од магистралниот пат Охрид-Битола-Прилеп,  а истовремено,    се бара трајно решение  и за одроните од ридот, кои се појавиле во внатрешноста на шумата. Но, причината за затворање на патот е негова реконструкција, рече директорот на Јавното претпријатие за државни патишта, Зоран Китанов.

Од „Илинден“ велат дека веќе   се поставени сообраќајни знаци за измена на режимот на сообраќај, донесена е дел од механизацијата со која ќе се изведува рехабилитацијата на патот, а до кога ќе се одвиваат градежните работи велат зависи од временските услови. За тоа време возилата ќе транзитираат низ Битола.

Обиколницата над Битола често пати беше затворена за сообраќај свлечишта кои се појавија во повеќе наврати после големите поплави во Пелагонија во 2015 година. Сообраќајот се пренасочуваше низ Битола, што создаваше метеж и доплнително аерозагадување.