Street gif

Битола под снежна покривка од 33 сантиметри

Јануари 10, 2019

Висината на снежната покривка во Битола, според податоците од УХМР,  утрово во 7 часот изнесуваше 33 цм, со што е втор град со најмногу снег по Крушево каде снежната покривка е  36 цм. Најмалку снег има во Скопје, каде снежната покривка утрово во 7 часот изнесувала 4 сантиметри.  Врнежите од снег продолжуваат и претпладнево, а според прогнозите, околу пладне ќе бидат уште позасилени, што  дополнитлно ќе ја зголеми снежната покривка за 10 до 20 цм. Температурата во Битола ќе се се спушти до -5 степени.

Во петок ќе има пад на температурите, во Битола се прогнозираат -10 степени, а уште поголем студ со температури до -17 степени ќе има за време на викендот.

Од АМСМ информираат дека сообраќајот на државните патишта се одвива во зимски услови, по влажни коловози и остатоци од кашест снег, по интевенциите на „Македонија пат“. Од таму предупредуваат дека со падот на температурите можна е појава на голомразица.

Забрана за движење на тешки товарни возила има на патните правци крак Маврово - Дебар, Гостивар - Кичево, преку планинскиот премин Стража, Кичево – Охрид, преку планинскиот премин Пресека, патот Прилеп-Мак.Брод на планинскиот премин „Барбарос“ како и на патниот праевец Тетово - Попова Шапка, каде забраната важи и за автобуси, а за останатите возила е задолжително користење на зимска опрема (синџири).

Од 08.55.ч се укинуваат забраните за сообраќај на тешки товарни возила на патните правци Охрид – Ресен преку планинскиот премин Буково и Ресен – Битола преку планинскиот превој Ѓавато. Од 08.30.ч се укинува забраната за тешки товарни возила на патниот правец Струга – граничен премин Ќафасан.

10.01.2019 sneg

10.01.2019 sneg2

sneg4 10.01

 

sneg6 1001

 

50226221 732030397182576 2775108511749636096 n

Login to your account

Username *
Password *
Remember Me
© 2019 АПЛА.мк. Сите права се задржани