МАРШ НА ЖИВОТОТ ВО БИТОЛА (фотогалерија)

Март 10, 2019

Со „Марш на животот“ по Широк Сокак во Битола, денеска се одбележаа 76 години од депортацијата на 3350 битолски Евреи во логорите на смртта во Треблинка. На манифестацијата учествуваа високи гости од државата и странство, а се приклучија и голем број граѓани од Битола

 

-Прекрасно е чувството што сме денес во Битола, бидејќи ќе се потсетиме на минатото. Тука денеска дојдоа стотици Израелци, млади и стари, лица со посебни потреби, со кои заедно ќе маршираме, рече амбасадорот на Израел, Дан Ориан.

Во својот говор израелскиот министер за Ерусалим Зеф Елкин истакна дека е радосен што битолчани го чуваат споменот за Евреите

-Битола долги години беше топол дом на многу Евреи. Но, најладниот и најстрашниот ден во нивниот живот беше на 11 март 1943 година. На тој ден небото беше црно и ја навестуваше темнината…Голема беше неизвесноста на Евреите од Битола и од Македонија. Тешка беше судбината на Евреите во цела Европа, но за жал најтешкото се случи токму тука во Македонија, потсети министерот Елкин.

Во маршот од еврејското маало по Широк Сокак до Железничката станица во Битола учествуваше и македонскиот министер задолжен за дијаспора Едмонд Адеми.

-Самиот факт што секоја година се потсетуваме на тешките денови и моменти од пред 76 години, испраќа една симблична порака тоа зло никогаш да не се повтори,  рече министерот Адеми.

Домаќин на неколку дневните манифестации во Битола посветени на 76 годишнината од депортацијата на битолските Евреите е локалната самоуправа.

-Се сеќаваме на историскиот настан за да не се повтори, а нашите емоции за тој период обврзуваат да се мотивираме и да направиме нешто повеќе заедно со нашите пријатели од Израел, рече градоначалничката на Битола Наташа Петровска.

Во спомен на депортираните Евреи, вечерва на плоштадот „Магнолија“, младите од Израел, Македонија и Германија ќе изведат перформанс кој го насловија „Патоказа кон помирувањето“

 

 

53520591 1772806462820510 426257194682417152 n

 

 

 

.

53545819 576465956171118 8368289446025494528 n

54517273 335882060368774 5647021866909433856 n

53330592 405289240232255 8878979620368547840 n

53506224 252605579026173 4545259208118894592 n

53851620 2193402237640285 5237487771639087104 n

53352545 2116557088439126 5617688107861147648 n

54364898 326853111293085 2119532039492337664 n

54206200 399777470801186 9141902335520276480 n

Login to your account

Username *
Password *
Remember Me
© 2019 АПЛА.мк. Сите права се задржани