Ова е втор пример во Пелагонија, за градоначалник да  биде послан црвен тепих, откако и Општина Битола на истиот начин ја пречека градоначалничката Наташа Петровска.

Гулевска, во предизборието најави домаќинско и одговорно функционирање на Општината, како и значајни инфраструктурни проекти за поврзување на Могила со соседните општини.

– Ќе отвориме Младински културен центар и Младински совет во Општина Могила, како и отворање на старски дом, канализациска и водоводна мрежа онаму каде што досега не е изградена. Особено важно за поврзување на двете соседни општини, Могила и Прилеп, е изградбата на патот Добрушево-Канатларци, како и изградбата на клучката кај селата Вашарејца – Ивањевци, спојување на трите соседни општини, Могила, Кривогаштани и Битола – вети Гулевска.

Таа најави ставање во функција и на индустриската зона Петилеп, која се наоѓа 3,5 км северно од селото Могила, на регионалниот пат А3..