Септември 21, 2019

Street gif

Големо невреме во Преспа, предизвикана огромна материјална штета (видео)

Јули 10, 2019

Ураганско невреме ја зафати Преспа вечерва,  а жителите од овој крај на социјалните мрежи споделуваат видеа и фотографии од дождот, градот и силниот ветер кој  корнел дрвја, бандри  и носел покриви од куќи. Најпогодени биле селата во  Долна Преспа, каде невремето направило пустош во овоштарниците. 

Познатиот режисер Јане Бојаџи на својот ФБ објави видео со невремето во Преспа и напиша: Ова се случи пред половина час во Преспа! Ништо не е поубаво но и пострашно од природата во исто време! Боже, колку многу "природа"!
Јане Бојаџи
 
Туристите кои се сместени во некои од турситичките капацитети на Преспаснкото езеро велат дека по невремето сега без струја се делови од Преспа, а од соборените дрвја и бандери блокрани се некои патишта до преспаснките села.
 
Градоначалникот на Ресен Живко Гошаревски, за Апла.мк потврди дека невремето предизвика огромна материјална штета и во овоштарниците во селата во Долна Преспа, но за среќа нема повредени или жртви, но, месното население е вознемирено и уплашено. Вели дека се расчистува патот кој води кон селата во Долна Преспа, а екипите на Противпожарната единица се на терен. Известени се сите надлежни институции. 
Од Центраот за управување кризи јавија дека силно невреме со силен дожд и ветер го зафати село Крани и автокампот „Крани“, како и Претор и Наколец. Од невремето има паднати дрвја, бандери и во прекин е и електричната енергија. Во автокампот има паднати дрвја врз камп приколки и истите се оштетени. Луѓето кои престојувале во нив се згрижени кај соседите. Нема повредени.

Од невремето зафатени се и селата Долно Дупени, Сливница и Љубојно. Во село Љубојно има паднати дрвја од кои има оштетена куќа и автомобил, а во село Наколец паднато дрво го препречило локалниот пат кон ова село. Сите овие села: Долно Дупени, Крани, Сливница, Претор, Љубојно, Наколец се без електрична енергија. На терен се испратени припадници на МВР ПС Ресен и ТППЕ – Ресен кои работат на расчистување на патот. 

IMG 8c3925492128d3cd88f8b7b7cf7d8c64 V
 
 IMG 7e7bf321827975f38b88b7039f34658a V
Инаку попладнево целата држава е зафатена од обилни дождови, некаде  проследени со електрични празнења, а невремето ги спушти температурите за десеттина степени. 

Login to your account

Username *
Password *
Remember Me
© 2019 АПЛА.мк. Сите права се задржани