Амфитеатарот на античкиот локалитет беше  преполн за завршниот концерт на Републичкиот фестивал ,,Илинденски денови". Концертот, славните гитаристи го започнаа свирејќи мајсторски  импровизации на темата ,,Дафино вино црвено". Потоа продолжија со "Македонско девојче", "Не си го продавај Кољо чифликот" и други песни со автентичен македонски ритам. Атмосферата достигна кулминација кога виртуозите во придружба на виолинистка од Лос Анџелес ја отсвирија ,,Море сокол пие". Додека тие свиреа публиката ја пееше песната ама тивко за да може да се чуе нивното музицирање. 

 

Публиката ги поздравуваше на секоја песна со бурен аплауз. 

 

Стефановски пред публиката изјави дека ни во најбујната фантазија не можел да претпостави дека толку многу народ ќе се насобере на концертот.

 

,,Тадиќ вчера го пречекав со зборовите добре дојде дома. Тој живее во Америка, но Македонија му е духовен дом", рече Стефановски.

Ја отсвурија и ,,Јовано, Јованке"за која рече дека е најпопуларната традиционална македонска песна на сите времиња, која се пее од Јужна и Северна Америка, па се до Јапонија.  Пред битолската публика настапија премиерно и со новата преработка на песната „Бог да ги бие Дебрани“ која порано ја пеел Кирил Манчевски и истата има многу тежок текст. На последните изведби во Хераклеја, публиката ги поздрави музичките генијалци со ѕвездено небо. 

 

 

 

 

 

 

 

 

(Фото Димитар Петковски)