Битолчанки кои биле болни од рак премиерно ја изведоа театарската претстава „Жени“ (фотогалерија)

Август 28, 2019

Битолчанки кои никогаш не биле актерки, синоќа премерно ја изведоа претставата „Жени“ во која со публикаа ги споделија своите лични животни приказни за борбата со канцерот.

Во оваа документарн театарска претстава која е проект на „Интимен театар“ од Битола, учествуваат битолчанките Невена Стерјевска, Катерина Петровска, Трендафилка Киклевска и Зорица Цибалевска, жени кои успешно се борат со ракот на дојка или на матка, а Цибалевска посебно беше фокусирана на пораките од нејзината мајка Летка Андреевска која го загуби живото во борбата со болеста.

69412501 398378957481379 2022582283885608960 n

-Иако сме во 21 век, темата која ја претставивме, борбата со ракот, се уште е табу тема. Ние, што некои не нарекуваат „глумци“, иако по вокација не сме тоа, сепак сме активни актери во борбара со ракот. И верувајте многу храбро се носиме со тоа, напиша на својот ФБ профил, Катерина Петровска, една од учесничките во претставата. Таа и и се заблагодари на публиката за големата и искрена поддршка на синоќешната премиера.

69535010 2639642646069435 4987889977774833664 n

Целта на овој театарски проект е да се подгигне свеста за редовни прегледи и брзо дијагностицирање на болеста која има епидемски размери, посебно во Пелагонискиот регион. Идејата за оваа претстава се родила кај режисерката и сопственик на „Интимен театар“ Софија Ристевска уште во 2017 година, по што ова лето почна да се реалзира проектот за создавање театарка претстава во којашто учествуваат жени болни од рак и зборуваат за болеста и нивната битка со неа.

69265086 484519929011101 580048420090150912 n 1

Претставата е финансирана од Општина Битола и е дел од Бит фест 2019. По синоќшната премиера, втора изведба е закажана за 30 август, петок, во 20 часот, а третата изведба на 1 септември, недела, во 20 часот.

69385470 2362052040734570 5822329783253467136 n

69030885 741781342927425 6273316355949199360 n

69711437 2319283581665894 9016450408138145792 n

69980023 2391030457808290 9036819337784066048 n

фото: Диоген Хаџи-Коста Милевски

Сподели

Login to your account

Username *
Password *
Remember Me
© 2021 АПЛА.мк. Сите права се задржани