Од Центарот велат  дека годишно дури стотина клиенти минуваат низ советувалиштето за ХИВ-СИДА во Битола каде се врши бесплатно доверливо и доброволно советување и тестирање на сите лица кои сакаат да ја проверат својата здравствена состојба во однос на својот ХИВ-СИДА статус.

-Низ советувалиштето годишно минуваат стотина корисници на услугите за доброволно и доверливо тестирање, а  интересот од година во година е се поголем. Причината за тестирањето најчесто е сомнителен сексуален контакт, нова врска, интравенско користење на дроги. Основна препорака  од нас епидемиолозите е градење на свеста на поединецот за безбедно сексуално однесување. Секој треба да користи индивидуална заштита,вели  Тони Коњановски, специјалист епидемиолог во Заводот за здравствена заштита во Битола.