Натпревар за најкреативна скулптура изработена од ѓубре во Битола организираат еко активистите од „Мети си со Класнето“ предводени од професорката Марија Магдалена Петковска Микаровска и компанијата „Божиновски часовници и накит“. На натпреварот до оваа недела можат да се пријават ученици, родители, наставници, младински работници и други битолчани кои до 20 декември ќе треба да ја подготват скулптурата од ѓубре.

Пријавувањето се врши на мејл: Оваа е-адреса е заштитена од спамботови. Треба да ви е овозможено JavaScript за да ја видите. со податоци за тимот што учествува со:

1.име и презиме на учесниците
2.училиште или организација
3.име и презиме и контакт од тим лидер

Скулптурата треба има димензии од 25х25х25 сантиметри, а покрај неа ќе ќе бидат изложени и следните податоци колкава количина на ѓубре е искористена, каков смет и од која локација е собрано, по можност и фотографии од местото. Ќе треба да достават и кратка приказна за скулптурата со цел опис на идејата.

Најубавите скулптури ќе бидат наградени, а сите ќе бидат понудени на аукција за донирање на средства за изработка на ботаничка градина на покривот на Центарот за култура во Битола. „

„Да го закитиме предновогодишното расположение со овој настан кој пред сѐ ќе биде креативен и нов начин за подигање на свеста за сите нас“, велат организаторите.

Ж.З.