Гитарскиот виртуоз Влатко Стефановски заедно со Битолскиот Камерен оркестар и извинредниот проект Рок Симфонијата викендов приредија неверојатна забава и концерт за паметење на фестивалот „Зимска бајка“ во Тиват, Црна Гора. Влатко беше заедно со битолчани, со „екипата“ на Владимир Димов која бележи големи успеси,  посветеност и популарност на неговите концерти како во Македонија, така и во поранешните југословенски простори и овој пат ја воодушевија публиката. Ова беше шести по ред заеднички концерт на Влатко и Камерниот оркестар од Битола, кои продолжуваат со концерти и турнеи низ просторите на бивша Југославија.