Мишко Димовски по своја иницијатива го израмни патот до манастирот во Смолево

Јануари 28, 2020

На иницијатива на Мишко Димовски од село Лавци, домаќин на манастирот „Свети Атанас“ денес се средија двата приодни земјени патишта до Смолево. В петок кога се празнува овој христијански празник, до манастирот ќе се стигнува со возило по среден истапкан пат. Димовски, кој е и член на Црковниот одбор, побарал од Јавното претпријатие „Нискоградба“ машина за да се порамни, прошири и натапка патот, и денес цел ден работеше заедно со механизацијата на средување на приодите. Така, манастирот в петок ќе може да биде што подостапен за верниците.

„Сум видел добро од Бога и си реков кога ќе одам во пензија сакам да помагам во цркви и манастири. Претходно четири години бев домаќин на манастирот во Лавци, а веќе четири и пол години сум домаќин на манастриот во Смолево или вкупно девет и пол години. Откако почнав да го одржувам манастирот во Смолево, направивме конаци и средивме многу работи“, вели Димовски.

По повод верскиот празник, в четврток во „Св. Атанас“ во Смолево од 16,30 часот и следниот ден, в петок од 8 часот ќе има богослужба. Сите битолчани кои слават именден или куќна слава можат и во ова манастирче што се издига над Битола да кренат лепче.

Ж.З.

Сподели

Login to your account

Username *
Password *
Remember Me
© 2021 АПЛА.мк. Сите права се задржани