Креираме образование базирано на вистински потреби на стопанството, со што бенефит ќе имаат и учениците и компаниите. Учениците добиваат пракса и потенцијално сигурно вработување по завршување на образованието, додека компаниите добиваат кадар подготвен да одговори на дадените работни обврски. Ова се придобивките од измените кон кои се стремиме на средното стручно образование во нашата земја, рече министерката за образование и наука Мила Царовска во Битола, каде вчера продолжија средбите со компаниите, средните училишта и локалните самоуправи.

Министерката имаше работна средба со градоначалничката на Битола Наташа Петровска, заедно со претставници на компании од општината. како и со директорите на средните училишта. Разговараа за тоа кои се потребните профили што треба да се отворат во средните училиштаво 2021/22 година.

„Преку дијалогот што се одвива во различни општини, а под мотото ‘Учи паметно, работи стручно’, имаме идеја како Министерство да поттикнеме доверба помеѓу училиштата и компаниите и реалниот сектор , на тој начин тие создаваат заеднички систем на образование и подготовска за идните кадри кои треба да бидат вработени во компаниите. Но, во текот на образованието треба да се стекнат со потребни вештини за работа, а исто така и со работни знаења и следење на културата и динамиката на работа во компаниите. Значајно е во образованиот ситем тие да добијат знаења , но во компаниите треба да се навикнат и на работниот процес“, рече Царовска.

Таа посочи дека во дуалното образование во земјава најголем дел се вклучени компании кои се странски инвестиции, но се повеќе се охрабруваат и домашни македонски фирми.151778296 869607537155428 3249778887648029818 n

„Да се вклучат и помалите компании кои имаат по неколку вработени, да вклучат по еден двајца ученици и со помош на Стопанската комора да оспособат ментори во истите тие компании и да се вклучат во остварување на работата на дуално паралелки кои во четвртата година од образованитео веќе имаат се поинтензивно учество во работен процес. На тој начин со подготвен кадар ќе стигнуваат на работните места, место да трошат време и еденргија една година од вработувањето да го оспособуваат работникот за да стане продуктивен“, додаде министерката.

Градоначалничката Наташа Петровска истака дека „навременото поставување на стратегија на струки кои ќе бидат воведени во образованиот систем, курикулумите поврзани со нив, и тоа како треба да бидат усогласени со потребите на пазарот на трудот, дефинитивно треба да се развијат низ социјални дијалози како овој во Битола.

„Длабоките болки што сме ги имале во минатото, а кои носеле тешки последици врз работната сила да се најде на пазарот на трудот со ваквив сериозен пристап навистина можеме да го видиме излезот и да имаме целокупен општествен развој“, рече Петровска.

Министерката за образование Мила Царовска оствари средба со вицепремиерот Артан Груби на која дискутирале за одредени неправилности во учебниците кои треба да се отстранат. Таа го посочи и учебникот по географија на албански јазик за втора година гимназија дека содржи несоодветна содржина. Рече дека ќе се воведат совремни фиктри  кои ќе дозволат само влез на граѓански вредности во образованието. 

Во моментот во земјава има 77 ученици и околу 150 наставници позитивни на коронавирус, но бројот се намалува зашто минатата недела имавме 85 ученици. Тоа покажува дека позтитивните оздравиле, а не заболеле нови. Стабилна е состојбата во училиштата, изјави министерката за образование Мила Царовска при денешната посета на СОУ „Таки Даскало“ во Битола.

„Овде видов мотивирани наставници и мотивиран директор кој обезбедува услови за квалитетна практична настава. Го посетив кабинетот на текстилната струка и видов многу позитивни ученици кои тука можат да се остручат за струката која се запишале да ја учат. Ова укажува дека навистина со одлична соработка меѓу локалната и централната власт, но исто и со мотивиран директор и наставници може да се постигне квалитет во стручното образование“, рече Царовска.

Во општина Битола каде има 1464 ученици со физичко присуство, само 5 ученици се заболени од ковид-19 и 7 наставници.

„Ако ова се земе процентуално, потврдува дека и во овие отежнати услови станува збор за успешно справување со предизвикот на денешницата. И во вакви отежнати околности имаме успешно справување со наставниот процес. Се ова што се случува е со добра кооперативност на централната и локалната власт. Конкретно од буџетот на Општина Битола само оваа година за училиштата по сите основи се вложени 685 000 евра. Деновиве училиштата добија трансфер на средства од 330 000 евра по основ на инфраструктурни зафати и подобрување на нагледните средства“, рече градоначалничката Наташа Петровска.

Директорот Владо Ѓорѓиевски изрази благодарност до Министерството за образование и до Општина Битола за инвестиции учичлиштето.

„После долг временски период се изврши реконструкција на покривот на главната зграда и на спортската сала, со помош на Општината обезбедивме брзи услови за изведување на онлајн настава. Набавени се 25 компјутери, кои во брз временски период успеавме да ги снабдиме и да обезбедиме услови за онлајн настава. Физичко присуство има за практичната настава, во училиштето и битолските фирми, другите предмети се следат онлајн. Натсвата се одвива без проблеми“, рече Ѓорѓиевски.

Вицепремиерката за економски прашања Мила Царовска денес не потврди, нити пак ги отфрли шпекулациите дека таа ќе биде носител на листата со кандидати за пратеници на СДСМ во изборната единица 5.

„Само кога највисоките партиски органи ќе ги потврдат листите тогаш тие се официјални. Штом ќе бидат потврдени ќе биде известена јавноста“, рече Царовска.

Страница 1 од 2

Login to your account

Username *
Password *
Remember Me
© 2021 АПЛА.мк. Сите права се задржани