Јануари 23, 2019

По повод една година од преземањето на функцијата,  градоначалничката  на Општина Могила Јасмина Гулевска и претставници на Советот на Општина Могила од сите политички партии, дадоа отчет за реализираните проекти. 

Непознати лица со месеци потпалуваат штали, бали добиточна храна и уништуваат ниви во пелагониското село Могила. За десет месеци изгореа околу 5.000 бали сено, слама, луцерка, над 1.000 килограми собран тутун, a земјоделски производи се уништени и по нивите. Пожарите избувнуваат навечер, најчесто по полноќ, кога нема луѓе по нивите и шталите. Мета бил имотот на Општина Могила, на луѓе од локалната власт и други вработени во општински институции.

Последниот од серијата пожари се случил на шести октомври, кога биле запалени шталата и плевната на Илче Велевски, вработен во спортската сала во Могила. Општетениот сопственик се сомнева дека некој ги потпалил намерно, додека тој со семејството бил на свадба..

Велика Новевска од општина Новаци на 91 година излезе да гласа. На гласачкото место 161 се појави заедно со снаата која пак со штаки дојде на гласање зашто ја имала повредено ногата.

„За години не прашувајте, девеесетката ја заминав, но должност ми е да си го оставрам своето гласачко право. Гласаме и за помладите и за нас да биде добро“, рече баба Новевска.

Покрај завршените проекти за рехаблитација на неколку регионални патни правци во општините Новаци и Могила, во наредниот период , со пари од државниот буџет, но и со средства обезбедени од меѓународни финасиски институции, се најавуваат и други проекти за подобрување на патната инфраструктура во овие две општини.

Во тек се градежните активности за санација и реконструкција на полските патишта во населеното место Могила, а во наредниот период ќе бидат реконструирани и полските патишта во 22 села на територијата на целата општина.

Градежните активности за санација и реконструкција на полските патишта ги изведува ТИМ Петрол 991 од с. Велешта, Струга, а истите се реконструираат со средства обезбедени од буџетот на Општина Могила.

„Жителите на селата во општина Могила ќе добијат уредени полски патишта, тампонирани, проширени, без ударни дупки и со исчистена вегетација, што ќе им го олесни пристапот до нивните ниви. “ – истакнуваат од општина Могила.

Страница 1 од 3

Login to your account

Username *
Password *
Remember Me
© 2019 АПЛА.мк. Сите права се задржани