Денес е Денот на пчелата, а учениците од одделението IV б од Основното училиште „Елпида Караманди“ од Битола, предводени од нивната одделенска наставничка Гордана Угриновска, вредни како пчели, од утрово преку онлајн настава изработија творби посветени на овој корисен инсект. Творбите што ги испратија до нашата редакција содржат пораки дека пчелите се планетарно чудо и дека без нив живот на планетата Земја нема да има, како и за тоа дека производот што го даваат, медот, им дава здравје на децата.

„Многу ни е важен еко системот и кон него треба да градиме правилен и одговорен однос токму затоа мора од мали нозе децата да се едуцираат за овие состојби, да имаат познавања за важноста на животната средина и да ја штитат природата, а и пчелите во неа зашто без нив нема живот на нашата планета“, вели наставничката Угриновска.

И оваа пролет воодушевуваат коњите кои пасат на горните ливади над Ниже Поле на Пелистер. Колку и да изледа се диво во оваа планинска убавина, коњите се питоми, па може да ги помилувате или да им дадете храна. Тоа се коњи во сопственоста на жителите од потпелистерското село Ниже Поле. Прекрасните моменти со овие скротени животни на Пелистер со фотоапарат ги улови настваничката по одделенска настава Гордана Угриновска и ги сподели со нас и нашите читатели. Прекрасна глетка во која многумина ќе можат да уживаат искачувајќи се на Пелистер и сменувајќи ја мислата за коронавирусот која постојано не оптоварува.    

Одделнската наставничка Гордана Угриновска од Основното училиште „Елпида Караманди“ од Битола е избрана меѓу најдобрите просветни работници во Македонија за учебната година 2017/18. На свечената академија што вчера Министерството за образование и Сојузот на просветни работници ја организираа во Куманово, на Угриновска и беше доделена плакета за постигнати видни резултати во воспитно-образовната работа и други активности во училиштето каде работи.