Вандали по којзнае кој пат дивееле на Градското шеталиште, а овој пат мета им биле детските реквизити наспроти Ќумурното игралиште кои се уништени и неупотребливи. 

Цветаат липите во Градскиот парк во Битола, чии опоен мирис го најавува доаѓањето на летото. Липите се препознатлив дел на битолските зелени пејзажи и се интегрален дел од старите битолските улици и маала како и  дрворедот покрај реката Драгор. Липите се едни од најубавите и најблаготворните растенија, и вистинска привилегија е да си битолчанец затоа што можеш да ги отвориш прозорците и да уживаш во нивната убавина и опоен мирис.

Малолетници во алкохолиизрана состојба возејќи со огромна брзина со скутер по битолското шеталиште, прегазија куче кое мирно спиело, објави на својата ФБ страницата Здружението за заштита на животните „Мали херои“ од Битола. Настанот се случил во саботата, 2 часа по полноќ, кога малолетниците дивеејќи по шеталиштетот со скутерот поминале преку вратот на кучето.

Алал

Акцијата за разеленување на Битола продолжува. Шеталиштето  е збогатено со нови садници. Деновиве екипите на Јавното претпријатие „Комуналец“ засадија дрвца на местата каде недостигаа или вандали ги имаа откорнато.

Ј’зк

Додека едни садат, други јадат. Некој без ронка совест го пушти стадото кози да се напасува низ градското шеталиште. Ова не е првпат и време е да се преземат мерки за казнување на несовесните граѓани кои придонесуваат да се уништи јавното зеленило.

Откорнети се борчиња од жардиниери поставени на битолското Шеталиште. Ваквиот вандализам предизвика критики од битолчани кои рекреираат во овој дел од градот. Тие велат дека иако се работи за неколку дрвца, секое стебло е добредојдено во градот кој мака мачи со аерозагадувањето.