Директно

Пред два дена исчезнало 11 годишно момче во Битола. Според полицијата во понеделникот околу 14.30 часот  било пријавено дека од својот дом  се оддалечило 11-годишно дете од Битола, кое предходно неколку пати се оддалечувало и се враќало. Исчезнувањето го пријавил таткото на детето. Семејството живее на улица „Мукос“ во Битола.  Се преземаат мерки за пронаоѓање на лицето, а стапено е и во контакт со Центарот за социјални работи од Битола.

Битолскиот Завод за рехабилитација слух, говор и глас го опслужува целиот Југозападен Регион во земјава, а има само осум логопеди. Недостатокот на логопеди во нашата држава е евидентен и треба да се обрне внимание на тој проблем, изјави Дивна Живорадиќ Најдовска, директор на Заводот во Битола на стручната конференција што се одржа по повод Европскиот ден на логопедијата во Битола , а тема беше аутизмот.

Весна Гагаловска, наставник во Основното училиште „Тодор Ангелевски“ во Битола, со своето 20 годишно работно искуство, во 2014 година се здоби со наградата за Најдобар просветен работник во Битола, а оваа година е избрана меѓу 40 најдобри просветни работници од петте поранешни југословенски републики. Таа е единствена наградена наставничка од Битола , а меѓу деветте од Македонија.

Битола поради сообраќајниот калабалак, но уште повеќе поради  загаденоста на воздухот има обврска да ја зголеми и унапреди масовноста во користењето на велосипедите. Ова е препораката од велосипедската трка „Трофеј“ што во организација на Велосипедска Федерација на Македонија и Велосипедскиот клуб „15 мај“ се одржа во Битола.

 

„Со точак одиме на училиште, факултет, на работа“, велат велосипедистите. 

Наставничката Весна Гагаловска од ОУ „Тодор Ангелевски“, ја доби наградата Најдобри наставници на просторот на бивша Југославија, нови идеи за новото време“.

По кратко боледување  денеска во Битола во 45-та  година од животот почина Нешат Аземoвски, долгогодишен еко- активист и основач на невладината „Биосфера“.

Утре Ски центарот „Копанки“ на Пелистер е домаќин на два истовремени настани „Пелистерскиот велеслалом“, традиционален алпски куп за деца од 6 до 16 години, во организација на Агенцијата за млади и спорт со техничка поддршка на Ски клубот „Пелистер“ и  хуманитарниот ски - настан со мото: „Излези од маглата и дојди на О2 "во организација на Ротаракт Клуб Скопје-Центар. Двата настани почнуваат во 10 часот.

Битолчанецот Константин Шкодрану по професија фармацевт, пред повеќе од еден век имал самостојни изложби во Фиренца, Италија, ја насликал Влашката црква во Битола, а во градските куќи оставил ѕидно сликарство со мотиви од Венеција. Ова е уште еден уметник од крајот на 19 и почетокот на 20 век кој докажува дека Битола се развивала по европски терк.

Login to your account

Username *
Password *
Remember Me
© 2019 АПЛА.мк. Сите права се задржани