Револтирано, граѓани велат дека ситуацијата е иста секој ден и ретко кој го почитува  правилото дотурот на стока да се врши на колички и тоа наутро и навечер (од 6 до 9 часот и од 17 до 20 часот) кога фрекфенцијата на пазарџиите  е минимална.

Ваквиoт  начин на работа што го практикуваат дел од дуќанџиите и нивните добавувачи е недоволно контролиран од полицијата, велат граѓаните и сопственици  на дуќани во Старата битолска чаршија  и бараат почести контроли од надлежните. Синџирите на неколкуте пристапи во Старата  чаршија се тргнати, па некои  несовесни граѓани почнаа да ги паркираат автомобилите во внатрешноста на чаршијата. Од страната на Ат Пазар за влез во Чаршијата јасно  стојат сообраќајни знаци кој дел е пешачка зона , како и тоа дека е забрането движење на моторцикли, автомобили и запрежни коли.