Webp.net gifmaker

Жена од Ресен и маж од Стење наместо во изолација си се шетале

Март 20, 2020

Надлежен обвинител од Основното јавно обвинителство во Ресен  достави предлози за издавање на казнен налог за двете лица. Обвинетите се товарат дека сториле кривично дело непостапување според здравствени прописи за време на епидемија по член 206 став 1 од Кривичниот законик.

 

Според соопштението од Обвиниталеството, обвинетата која на 17.03.2020 година се вратила од Словенија, земја со среден ризик на зараза, на граничниот премин Табановце примила писмена наредба и потпишала изјава со која се обврзува дека во наредните 14 дена ќе спроведе самоизолација во својот дом во Ресен. Наместо да постапи според прописите и да се упати кон својот дом, таа заминала во Кичево во домот на својата другарка, откако телефонски била контактирана од страна на полициски службеници од ОВР Ресен пристигнала во својот дом. Со своите дејствија го сторила кривичното дело за кое се товари. Обвинителството  му предложи на судот на обвинетата да и биде изречена парична казна во висина од 100 дневни глоби при што вредноста на дневната глоба да се определи во висина од по 20 евра во денарска против вредност.

На 18.03.2020 година, обвинетиот со умисла не постапил според писмената наредба на министерот за здравство со која се определуваат мерки за спречување или сузбивање на опасна заразна болест – коронавирус COVID 19. Тој на 16.03.2020 година пристигнал од Кралството Холандија, земја со висок ризик на зараза и на граничниот премин Табановце примил писмена наредба и потпишал изјава со која се обврзува дека во наредните 14 дена ќе спроведе самоизолација во својот дом во село. Стење, ресенско. На 18.03.2020 година при извршени две проверки од страна на полициски службеници обвинетиот не бил пронајден во неговиот дом со што го сторил делото што му се става на товар. Обвинителството до надлежниот суд во Ресен поднесе предлог на обвинетиот да му биде изречена парична казна во висина од 100 дневни глоби при што вредноста на дневната глоба да се определи во висина од по 30 евра во денарска против вредност.

ЖЗ.

Login to your account

Username *
Password *
Remember Me
© 2019 АПЛА.мк. Сите права се задржани