Февруари 21, 2019

Неговата екселенција, амбасадорот на САД Џес Бејли, на крајот од својот амбасадорски мандат во земјава, кој истекува на почетокот на месец март, оствари работна средба со градоначалничката на Општина Битола, Наташа Петровска.

На средбата беше разговарано за веќе добро етаблираните односи на амбасадата на САД и Општина Битола.

Градоначалничката Петровска изрази голема благодарност до амбасадорот Бејли за одигрувањето на клучната улога при приклучувањето на нашата земја во Северно-атланската алијанса. Со овој чекор земјата се наоѓа пред историски момент, затоа што допрва ќе бидат почувствувани придобивките од областа на зголемената безбедност, што пак претставува и сигурност за идните инвеститори на економски план. Таа го истакна значењето на готовата железничка траса кон граничниот премин Меџитлија, која и по железнички пат треба да ги олесни комуникациите меѓу двете земји, особено за размена на стоки, значајни за производствениот сектор.

Проектите кои што се реализирани на територијата на Општина Битола, а се потпомогнати од страна на Американската амбасада и УСАИД, исто така се најдоа во фокусот на средбата. Амбасадорот ја потврди одличната соработка на општината и Американското катче при што го потенцираше и одржаниот саем на креативци, како можност за развојот на претприемачкиот дух на младите. Градоначалничката Петровска ги посочи можностите за натамошна соработка, согласно потенцијалите кои Битола ги нуди како пограничен регион, опкружен со многу природни убавини, а истовремено и со големи економски потенцијал.

Со издавањето на имотниот лист Општина Битола официјално го има во владение полигонот лоциран во населбата Горно Оризари.

 Екипите на КЈП „Нискоградба“ од вчера работат на санирање на ударните дупки на коловозите во Битола, кои настанаа откако градот беше зафатен со ниски температури и мразеви. Нагризувањето на асфалтот имаше и поради големото количество на фрлени сол и ризла на коловозите, по што со топењето на снегот се појавија дупки на коловозите.

Со коцки и ладна асфалтна маса, екипите на КЈП „Нискоградба“ започнаа со санација на дупките на поголемите улици во градот, а санирањето ќе продолжи и во наредните денови кон споредните улици, на кои има поголеми оштетувања.

dupki

 

dupki 2

Под тежината на снегот и од  дождот падна еден од оџаците  во ОУ „Даме Груев“-Битола, додека пак  од пукање на замрзната цевка од водоводна мрежа се случи поплава и во Земјоделското училиште во Битола.  Од средното училиште велат дека се работи на проблемот и до вечер ќе биде решен.

Од Општина Битола,  извршија увид  во ОУ „Даме Груев“ и за апла.мк велат дека засега не е возможна санација на оџакот поради временските прилики, но дека тој не е во функција за затоплување на школото.

Информации излегуваат надвор од Општината што покажува дека делови од општинската администрација имаат елементи на непрофесионализам, за разлика од други кои професионално си ја обавуваат работата, рече градоначалничката Наташа Петровска на денешната седница на Совет.

За време на советничките прашања, Иванчо Тошевски од ВМРО-ДПМНЕ, ја праша Петровска колку пари се потрошени за двете нејзини патувања во Епинал, и оние во Белград и Софија. Околу трошоците за патувањата во странство, таа ги повика советниците од опозицијата во сметководство да ги видат аналитичките картички, за кои рече дека сега се достапни за разлика од периодот кога тие беа во опозиција.

„Од говорница ги замолувам службите во сметководство било кој советник кога ќе ја побара аналитичката картичка да им ја дадат. Иако знам дека имаат целосен увид бидејќи информациите кои не ги добиле како информации од јавен карактер излегуваат надвор од општината, покажуваат дека дури има и сега спеги кои ги злоупотребуваат и ни покажуваат дека одредени делови на општинската администрација имаат и елементи на непрофесионализам зашто не го прават тоа професионлано и онака како што законот им дозволува, за разлика од други кои совесно и професионално работат“, рече Петровска.

 Запрашана дали има санкции за лица кои непрофесионално работат и кои не си ги завршуваат работните задачи, Петровска одговори дека има санкции и покренати дисциплински мерки за одредени ситуации  согласно законот. Воедно формирана е и комисија која треба да кажи на кој начин треба да се толкува нивното однесување.

На денешната седница на Совет за време на  советнички прашања, Габриела Илиевска од Поинаку ja праша Петровска дали во Епинал заминала за време на протестот за чист воздух кој се одржал во Битола и зошто во делегација имало исклучиво советници од СДСМ.  

Петровска рече дека првиот пат била во Епинал лани, кога не се задржала ни 24 часа, повеќе се истрошила и не било шетање како што на некои советници им изгледало, а ден  претходно излобирала да се добијат средства за прочистителната станица за Дихово.

„Годинава кога бев во Епинал се славеа 50 години од збратимувањето. Ако имате делегации од сите збратимени градови од Англија, Италија, Чешка, Германија каде што целосно програмата беше посветена на збратимувањето на Битола и Епинал, ако цените дека заради тоа што нешто тука горело и се организирало некаков протест, треба да го анулирам овој почест на Франција, навистина немам што повеќе да кажам и кој требаше да биде лицето кое требаше да присуствува таму“, рече Петровска.  

Страница 1 од 8

Login to your account

Username *
Password *
Remember Me
© 2019 АПЛА.мк. Сите права се задржани