Второстепената државна комисија за одлучување на инспекциски надзор ја уважи жалбата на претседателката на Советот на Општина Битола, Габриела Илиевска, која таа ја поднесе против решението на државниот инспектор за локална самоуправа за спорната седница прекината на 20 април годинава. Второстепената комисија утврдувајќи одредени неправилности, го пониши решението на инспекторот од 18 мај годинава со кое Илиевска од независната граѓанска иницијатива Поинаку беше опоменета дека згрешила што ја прекинала 26. седница.

Илиевска побара вонреден инспекциски надзор врз случувањата во Советот, откако на 20 април ја прекина седницата со образложение дека постапила по член 65 од Деловникот за работа и дека по напуштањето на седницата на советниците од СДСМ сакала да направи дополнителни консултации со советничките групи.

Но, советниците од ВМРО-ДПМНЕ, Левица и ДУИ избраа друг претседавач на седницата и ја продолжија, па беа изгласани завршните сметки на јавните претпријатија од кои дел се со загуби. Седницата продолжи и следната недела, кога локалното мнозинство предвоидено од ВМРО-ДПМНЕ постигна кворум со Левица и ДОМ. По ова се распадна локалното мнозинство предводено од ВМРО- ДПМНЕ во Советот, во кое учествуваше и Поинаку и настана политичка криза.

Илиевска има поднесено жалба уште на едно решение донесено од истиот Инспекторат за локална самоуправа со кое таа и мнозинство советници беа опоменети за неправилности при донесените решенија за разрешување на членовите на управните и надзорните одбори во шест јавни претпријатија. Тогаш вонредниот инспекциски надзор беше извршен по барање на градоначалникот Тони Коњановски, откако на први јуни годинава советниците на СДСМ, Поинаку, Левица, ДОМ и ДУИ, кои создадоа своевидно ново мнозинство во Советот, гласаа за разрешување на управувачките тела на Водовод, Комуналец, Пазари, Паркинзи, Жабени и КИЦ, кои според завршните сметки покажаа загуби                             

Градоначалникот на општина Битола, Тони Коњановски, денес на прес конференција и со писмена иницијатива, ја повика претседателката на Советот, Габриела Илиевска, да започне со работа во интерес на граѓаните кои и ја дале довербата, а со тоа да запрат кочниците и блокадите на општината.

Изјава на градоначалникот Тони Коњановски (видео):

Почитувани граѓани,

Моја должност, но и обврска на сите нас кои сме ја добиле довербата од Вас, е да работиме, да се фокусираме на проекти и одлуки, со кои Битола ќе напредува, со кои ќе се реализираат активности и ќе се подобруваат условите во општината.

За жал, како никогаш досега, имаме ситуација во која, претседателката на Советот, во континуитет, веќе 2 месеци, личните желби и интереси, ги става над потребите на граѓаните. Искажувајќи некакво незадоволство од локалната самоуправа, останува на функцијата за која е платена со пари на битолчани и се обидува да докаже некаква своја правда, дури и кога не само јас како градоначалник, советниците и општинските служби, туку и повисоките државни институции и укажуваат дека постапува погрешно.

Покрај донесеното решение од државниот инспектор за локална самоуправа, претседателката одбива да постапи по истото и да ги стави на дневен ред точките со кои:

-          Пред почетокот на летото кога постои најголема опасност од пожари, ќе се усвои Програмата за работа на ТППЕ Битола

-          Програмата за финансирање и изработка на урбанистички планови, што е директно поврзано и со потребите на бизнис секторот од Битола

-          Измената на Програмата за развојни планови, со што ќе се овозможи уредување на просторот кај поранешен ЈАТ

Блокадите и кочниците всушност  покажуваат дека да се работи ПОИНАКУ, значи да се покажува самоволие,ароганција и фрустрации и сето тоа на штета на сите нас,Битола и битолчани.

Ваквата ситуација мора да се промени.

Затоа, до претседателката на Советот испратив иницијатива за брзо постапување по забелешките на државниот инспектор и ставање на наведените точки на дневен ред, меѓу кои е и точката за донесување на одлука за утврдување и исплата на надоместок на штета предизвикана од каснување од бездомни кучиња на јавни површини.

Општина Битола, мора да продолжи да функционира, а секој кој не е подготвен за одредена функција, треба да најде начин тоа да им го образложи на граѓаните.

Проектите ќе продолжат, а Битола ќе напредува. Очекувам ова да биде желба и начин на делување и на претседателката на Советот, зошто на тоа јавно се обврзала.

 

Проектот на локалната власт предводена од ВМРО-ДПМНЕ и коалицијата за изградба на велосипедски патеки на две од најголемите сообраќајници во Битола не доби зелено светло на Совет. Сите други советници гласаа воздржано сметајќи дека проектот не е комплетно изработен. Не беше изгласана измена на програмата за економски развој и од буџетот не се обезбедија над половина милион евра за реконструкција на тротоарите на улиците „Васко Карангевски“ и „Партизнска“каде се предвидуваа патеките.

На презентација на проектот, Борче Галевски, градежен инженер- проектант од Јавното претпријатие за урбанистичко планирање рече дека ова е проект за реконструкција на тротоарот од едната страна на улицата „Васко Карангелевски “до спојот со кружниот тек кај Веро, но не и конкретно за изградба на влеосипедкси патеки кои би се правеле подоцна. На тротоарот од три метри, два ќе останат за пешаци, 80 сантиметри за влеосипеди кои ќе бидат одделени со линии од по 10 сантиметри. Но, во предвидените 500 000 евра нема трошици за велосипедкси патеки.

Од Поинаку гласаа воздржано зашто проектот е само делумно сработен и нема јасни податоци колку дрвја и зеленило ќе бидат исечени. Претседателката на Совет, Габриела Илиевска рече дека на прашањето кога ќе бидат готови велосипедските патеки, ѝ било речено писмено да се обрати до градоначалникот. „Кога јас како претседателка не можам да добијам одговор, тогаш како граѓаните би знаеле за каков прокет се работи“, рече таа.

Иван Чулакоски од Поинаку рече дека проектот е наменет за реконструкција на тротоарите, друи потоа ќе се прават велосипедски аптеки, а досега е предвидена една на Васко Карангелевски само во една насока.

Жаклина Наумовска, советничка од СДСМ, изјвија дека ова наликува на проектите од времето „Миле ми текна“ или на фамозната влеосипедска патека што екс градоначалникот Владимир Талески ја исцрта со бели линии низ пешачката зона на Шеталиштето.

Заменик градоначалникот и коориднатор на советниците од ВМРО-ДПМНЕ, Бојан Бојкоски, рече дека од страна на советничките групи се случи класичен пуч кон љубителите на велосипедизмот и дека битолчани ќе видат вистинското лице на оние кои се лицемерни.

„Зеленилото нема да биде оштетено. Ќе има само реконструкција на постоечката состојба на пешачката патека, некаде минимално проширување и врз основа на одобрениот сообраќаен проект од 2014 година, се изработува градежно конструктивен прокет. Кога ќе бидат реконструирани патеките истите ќе бидат обележани за велосипеди. Некој сака тука тезите да ги извртува“, рече Бојкоски.

Од ВМРО-ДПМНЕ најавија дека точката ќе ја предложaт и на наредната седница.

„Исто така имаме и една порака до сите велосипедсти во градот да не се обесхрабруваат бидејќи нивната желба за Битола да има велосипедски патеки ќе биде реализирана. Покрај сите административни препреки кои Битола ги има во изминатите години за Битола да добие велосипедски патеки денес бевме сведоци дека покрај административните препреки имаме и политички препреки од политички партии кои не им е гајле за велосипедисти“, рекоа советниците од ВМРО-ДПМНЕ.

Login to your account

Username *
Password *
Remember Me
© 2021 АПЛА.мк. Сите права се задржани