Street gif

Шо рече

Република Северна Македонија секако дека треба да добие датум за преговори за влез во ЕУ, но има некои технички проблеми кои треба да бидат решени и мислам дека на есен ќе го добие датумот, изјави германскиот амбасадор Томас Герберих на денешното засадување на дрвца во Отешево, Преспа, со што се одбележа една година од Преспанскиот договор. Неговиот француски колега Критијан Тимоние рече дека земјата ја чека уште многу работа.

„Непходно е земјите на Западен Балкан заедно да влезат во ЕУ, тоа е многу важно за регионот, да одат во пакет заедно. Но, секако постојат разлики меѓу државите и важно е да не се казнува една држава поради бавниот напредок на друга земја. Тоа е процес и европските членки ќе размислат за тоа. Јас мислам дека најдобра идеја е да се донесат заедно во Европската Унија“, рече германскиот амбасадор.

Запарашан кој е неговиот коментар околу можна политичка криза во земјава доколку не добие датум за преговори, Герберих рече : „Премиерот Заев направи добра работа во последните две години со стабилизација на оваа земја и мора да се задржи владата и да не се зборува за избори“.

Францускиот амбасадор Тимоние на прашањето дали ќе се загрози Преспанскиот договор доколку на изборите во Грција победи Мицотакис, рече дека тоа не е негова должност.

„Но, не е време за борба, туку да работиме. Работите, работите, уште има да работите, нови реформи и постоа ќе видиме што се може“, додаде тој.

Викендов крај Преспанското Езеро се одржува манифестација „Запознај ја Преспа„ на која учестуваат младински организации од сите три земји кои го делат езерото, нашата, Грција и Албанија сакајќи да покажат заедништво во регионот.

 

Уште еднаш црвен аларм за односот на одредени возачи кон велосипедистите во Битола влчучи синоќешната сообраќајна несреќа во која беше повреден велосипедист од градот. Несреќата се случила на крстосницата од улиците „Партизанска“ и „Студентска “ кога возило не почитувајќи го правилото за првенство на минување, му го пресекло патот на велосипедист. Од ударот лицето кое управувало со велосипедот било фрлено неколку метри настрана, па со главата удрило и во друго возило. По ова, велосипедистот завршил болница со потрес на мозокот и набиеници.

Исчистен од отпадот и искосен од треви е просторот околу  новите Светонеделски гробишта.

Од ЈКП Комуналец Битола велат дека со механизација е исчистена  депонијата на просторот пред новите Светонеделски гробишта во Битола, откако на таа површина се одлагал рестителниот отпад. Во очи на утрешниот празник Духовден, тревната површина  и денеска околу гробиштата  е искосена и покрај тоа што овој простор тековно се одржува.

f2

Православните христијани, утре и во сабота ја празнуваат Задушница, а следниот ден Духовден. Празникот Задушница се одбележува во чест на душите на мртвите. На Задушница се сеќаваме на блиските лица кои се починати, ги посетуваме нивните гробови и палиме свеќи за покој на душата.

f 3

Општина Битола и битолското Здружението на пензионери денес потпишаа Меморандум за соработка, а целта е унапредување на нивните права и подобрување на состојбата во сите сфери на општественото живеењее.

Шест ученици од четврта година од геолошко – рударската и металуршката струка при СОУ „Таки Даскало“ од Битола денес во РЕК „Битола“ полагаа практичен дел од завршниот испит за профилот ракувач со рударски машини. Полагањето се одвиваше во Рудникот Брод Гнеотино, под менторство на професори од училиштето и стручни лица вработени во комбинатот. Учениците покажаа одлични познавања на проблематиката што ја совладуваа во текот на целата учебна година.

Во пријатна и натпреварувачка атмосфера помина спортскиот натпревар во спортската сала на училиштето „Климент Охридски“ во Битола во кој заедно учествуваа лица со попречености и ученици од основните и средните училишта од Битола и Прилеп. Натпреварот беше во рамки на проектот „Можеме и сакаме да пееме“ што е дел од медиумската кампања „Попреченоста е само прашање на перцепција“, а во организација на Здружението на лица со интелектуална попреченост „Порака“ од Битола.

Покрај работните обврски, дел до делегацијата на Општина Новаци која е во посета на хрватската збратимена општина Дуги Рат, на своја иницијатива, со зип линија го помина кањонот на реката Цетина во Хрватска кај Омиш. Катерина Чукалевска, Лилјана Најдовска вработени во Општината и советникот Александар Канзуровски, кои се дел од деветчлената делегација, ја изненадија јавноста со својата храброст. Тие со сајла го премостија кањонот каде највисоката точка беше 210 метри. Од снимениот материјал објавен на интернет ви застанува здивот, а не пак да се впуштите во овој потфат.

Прерано починатиот колега „Тоде Петрески“ беше новинар од светски калибар и чест е да се добие наградата што го носи неговото име, рече новинарката Весна Шеровска од ТВ Тера. Таа е годинешната добитничка на наградата востановена по прераната смрт на Петрески, а која традиционално ја додели „Битолски весник“ по четиринаесетти пат.

Младата Елена Петровска и другите членови од Центарот за поддршка на лица со интелектуална попреченост „Порака“ вчера ја трогнаа публиката на завршниот настан од прокетот „Можеме и сакаме да пееме“ изведувајќи песни на македонски и англиски јазик. Елена која ѝ е позната на битолчани по љубовта кон музиката во својот репертоар освен „Цреша“ од Тоше Проески, ја испеа и песната „Hero“ („Херој“) од Витни Хјустон која ја изведе на англиски јазик.

Втората по ред  Womenpreneurs Stories Битола пред битолчани ги претстави успешните  бизнис приказни  на Билјана Илиева  Ванчевска  сопственик  на заботехничка лабораторија „Ла Про Дентал“, Христина Фуна- менаџер во Синпекс ДОО-Битола  и Софија Ристевска- Петрушева, режисер и сопственик на Интимен театар -Битола.

Дури девет пати поскапи пенкала, пет пати повисоки цени плаќало за пликови поранешното раководство на Јавното претпријатие „Нискоградба“ од Битола, обелодени на денешната седница на Совет, претседателот Валентин Груевски. И тоа е само дел од асортиманот, зашто по екстра високи цени се купувале и хартија, тонери, тесли, либели, пили...

Седниците на Советот на Општина Битола од утре  ќе се снимаат во целост, а снимениот материјал ќе се поставува на официјлната веб страница на Општина Битола. На овој начин граѓаните ќе имаат можност преку интернет да ја следат работата на советниците во општинскиот Совет

Прво место освои хорот на ОУ „Гоце Делчев“ од Битола на Државниот натпревар за харови што денеска се одржа во Скопје. Младите хористи од Битола настапија во конкуренција на 19 хорови од цела Македонија. Натпреварот се одржа во ООУ „Љубен Лапе“ во населба Аеродром.

received 401383747258303

-Откако  ги освоивме максималните бодови на Регионалниот напревар за хорови во Битола, денеска освоивме првото место и на Државниот натпревар во Скопје. Настапивме како единствени натпреварувачи од регионот, од Битола, Демир Хисар, Ресен, Новаци. Отпеавме две композиции и задоволни сме и радосни за постигнатите резултати, ни изјави Марија Арсиќ, ментор на хорот на ОУ „Гоце Делчев“-Битола.

Страница 1 од 16

Login to your account

Username *
Password *
Remember Me
© 2019 АПЛА.мк. Сите права се задржани