Шо рече

Втората по ред  Womenpreneurs Stories Битола пред битолчани ги претстави успешните  бизнис приказни  на Билјана Илиева  Ванчевска  сопственик  на заботехничка лабораторија „Ла Про Дентал“, Христина Фуна- менаџер во Синпекс ДОО-Битола  и Софија Ристевска- Петрушева, режисер и сопственик на Интимен театар -Битола.

Дури девет пати поскапи пенкала, пет пати повисоки цени плаќало за пликови поранешното раководство на Јавното претпријатие „Нискоградба“ од Битола, обелодени на денешната седница на Совет, претседателот Валентин Груевски. И тоа е само дел од асортиманот, зашто по екстра високи цени се купувале и хартија, тонери, тесли, либели, пили...

Седниците на Советот на Општина Битола од утре  ќе се снимаат во целост, а снимениот материјал ќе се поставува на официјлната веб страница на Општина Битола. На овој начин граѓаните ќе имаат можност преку интернет да ја следат работата на советниците во општинскиот Совет

Прво место освои хорот на ОУ „Гоце Делчев“ од Битола на Државниот натпревар за харови што денеска се одржа во Скопје. Младите хористи од Битола настапија во конкуренција на 19 хорови од цела Македонија. Натпреварот се одржа во ООУ „Љубен Лапе“ во населба Аеродром.

received 401383747258303

-Откако  ги освоивме максималните бодови на Регионалниот напревар за хорови во Битола, денеска освоивме првото место и на Државниот натпревар во Скопје. Настапивме како единствени натпреварувачи од регионот, од Битола, Демир Хисар, Ресен, Новаци. Отпеавме две композиции и задоволни сме и радосни за постигнатите резултати, ни изјави Марија Арсиќ, ментор на хорот на ОУ „Гоце Делчев“-Битола.

Имав само девет месеци кога татко ми Димитар Илиевски –Мурато ме стави во обичен ранец и ме однесе на Пелистер, емотивно раскажува Јонче Илиевски, син на Мурато, првиот Македонец кој се искачи на највисокиот врв на светот Монт Еверест (8848м.н.в.), но за жал не успеа да се врати назад. Утре се навршуваат три децении од неговиот храбар подвиг, па по тој повод ќе се организира 30-от традиционален планинарски марш на Пелистер, изложба, а семејството на Муратот денес беше примено во кабинетот на градоначалничката Наташа Петровска.

Преку проектот „Симбиотски мрежи за одржливо управување со органски отпад “- СИМБИОЗА од програмата за прекугранична соработка помеѓу Република Северна Македонија –Република Грција набавен е трактор, мулчер кој ќе се користи за косење на комунални површини и зеленило и 15 контејнери со капацитет од 1100 литри.Оваа опремата ќе ја користи ЈКП„ Комунална Хигиена“ Новаци со цел подобри комунални услуги спрема граѓаните на општина Новаци.

„Во Битола победуваме. Битола и битолчани силно се определија за право и правда, рекоа не за политиките на оваа власт. Резултатите покажуваат дека граѓаните не даваат поддршка на лажни ветувања, не знаење и не работење. Граѓните потврдија дека се определија за право и правда, а не за криминал и непотизам. Јасно е изразена волјата на граѓаните, определбата за нашата кандидатка за вистински квалитет, компетенции и знење. Но, за жал секогаш кога е СДСМ на власт се случува истото изборен инженеринг, дилови, притисоци, грубо крешење на највисокото прави на глас. Демократијата е непозната за СДСМ“, изјави лидерот на ВМРО-ДПМНЕ во Битола, Иванчо Тошевски на вечерашнава прес –конференција.

Имавме кристално чисти, фер и демократски избори како што доликува на европска модерна и демократска држава,рече Александар Кирацовски, претседател на Изборниот штаб на СДСМ. 

-Очекуваме и останатите учесници во изборниот процес да дадат признание за мирно спорведените демократски и слободни избори. Никој да не се обидува преку лажни вести и измислици да бара алиби за непоскауван резултат од изборите. Мнозинската волја на граѓаните изразена на фер и демократски избори мора да биде испочитувана од секого, - рече Кирацовски.   

 

Изградбата на северната трибина на стадионот „Под Тумбе кафе“, тече според предвидената динамика, така што до денес е изградена една четвртина од изведбата. Битола треба да добие стадион изграден според најсовремени европски стандарди со сите потребни инфраструктурни услови за меѓународни натпревари. На градбата на северната трибина се работи според плановите, па на терен може да се види дека градежните работи напредуваат, новиот објект ја добива посакуваната форма.  

-Моменталната состојба со изградбата на проектот „Изградба на северна трибина прва фаза“ изнесува 25% од вкупната реализација. Општина Битола во соработка со Надзорниот орган за изведба на проектот постојано ја следи динамиката на работа на терен, потврдуваат за Апла.мк од Општина Битола.

Oсквернавен е споменикот за италијанските војници на Македонскиот фронт 1916-1918 година поставен во Градскиот парк во Битола. Од спомен плочата откорната и одземена е фигурата во жолто-златна боја  која потсетува на светец и оставени се само мермерните плочи.

Битолчани кои секое утро пешачат во Градскиот парк  забележаа  дека за празниците споменикот е оштетeн и од фронталната  мермерна плоча недостасува фигурата која беше со големина околу триесеттина сантиметри. Тие претпоставуваат дека најверојатно е одземена бидејќи нејзината боја потсетува на злато.

Споменикот беше инаугуриран  пред само еден месец на 29 март кога на свеченост во Битола им се даде  почит на италијанските војници учесници на Македонскиот фронт. На настанот присуствуваше и амбасадорот на Италија во нашата  држава  Карло Ромео.

Јавното претпријатие "Стрежево" и Техничкиот Факултет од Битола потпишаа Меморандум за соработка.

Вчера на Универзитетскиот сенат беа донесени одлуки кои значат почнување на постапка за ректор. Според законското решение новиот ректор на Битолскиот универзитет „Св. Климент Охридски“  ќе се избира на непосредни, тајни и демократски избори.

-Наскоро ќе биде објавен јавен оглас на кој сите можат да се пријават, формирана е универзитетска изборна комисија која ќе ги спроведе изборите, велат од Битолскиот универзитет.

Ректорот Сашо Коруновски признава дека и тој размислува да се пријави на огласот за втор мандат.

„Изборниот ден помина во исклучително мирна, фер и демократска атмосфера. Имавме кристачно чист, прв изборен круг од претседателските избори. Имавме скандинавски избори како што доликува на идна земја членка на НАТО Алијанската и ЕУ. Своето гласачко право граѓаните го искористија слободно, на достоинствен, демократски начин и покажаа демократска здрелост и одговорност пред општеството и државата. Спроведени се мирни, фер и демократски избори“, рече Александар Кирацовски, претседател на Изборниот штаб на СДСМ.   

 

11-годишната Маја Крстевска од Битола го освои првото место во категоријата Латино соло танци, настапувајќи cha-cha, rumba, jive и Juvenile 2 (пионери 2) во конкуренција од 14 девојки на Меѓународниот натпревар во латино, стандардни и модерни танци „Makedonia Open 2019“. Натпреварот се одржа на крајот од месец март во ВИП арената „Борис Трајковски“ во Скопје во организација на Танцовата спортска федерација на Македонија. Талентираната Крстевска беше дел од тимот на Танцовиот спортски клуб ,,Step up” (Степ ап) од Битола кој учествуваше со 49 натпреварувачи во повеќе категории и тоа : Latino solo (cha-cha, rumba, jive), Latino All ladies group, Latino All ladies formation, како и категоријата WDSF WORLD OPEN LATIN & STANDARD.

Страница 1 од 15

Login to your account

Username *
Password *
Remember Me
© 2019 АПЛА.мк. Сите права се задржани