„Овој комплекс се наоѓа во чиста животна средина и секој викенд е посетен најмалку од 200 до 300 луѓе. За нас како општината ќе значи многу за развојот на туризмот. Поставени се видиковци, дрвени клупи, маси, лулашки, места за скара, канти за отпадоци, речното корито ѕидано е со камен, просторот е хортикултурно уреден“, рече градоначалникот на Новаци, Љубе Кузманоски.

Промоцијата на реализираниот проект беше со културен хепенинг, каде во чиста природа можеа да се вкусат и домашно подготвени кулинарски производи.

„Ова место е рај за рурален туризам. Место кои некои од нас првпат го видоа, а е само на 30 до 40 километри од Битола. Сфативме дека Македонија колку и да е мала ни требаат уште три животи за да ја истражиме. Организацијата на жени е дел од овој хепенинг и со своите производи почнувајчќи од солено до благо им понуди на посетителите да каснат домашно подготвени производи“, рече Светлана Петковска од Организација на жени.

Во рекреативниот парк кај Коњарка, Општината Новаци и Европската асоцијација за локална демократија АЛДА организираа културен хепенинг во рамки на програмата Европска година за заштита на културното наследство. Новаци има и прокети со француски општини, посебно успешно соработува со Нормандија. 

„Добро е кога се гледааат европските фондови и пари на места каде има конкретна и успешна реализација. Франција останува тука присутна посебно во соработката со регионот на Нормандија зашто имаме интерес да го развиваме меморијалниот културен туризам. Повикуваме да го задржиме ова паркче вака уредено и да го заштитиме културното и природното наследство“, рече француската конзулка Калиопа Кривашија Стилиновиќ.