-Итно и со сопствени средства во училиштето санираме три училници, со цел оспособување на просториите во кои ќе биде сместена опремата за двата кабинети по физика и практична настава за профилот електротехничар- енергетичар, грант добиен од амбасадата на Германија во Р. Македонија во висина од 5500 евра. Средствата за опремата ги обезбеди германската амбасада , но средувањето на кабинетите е на наш товар. Сега се прават  градежни зафати за корекција на ѕидовите, ново лед осветлување, замена на водоводна и одводна инсталација и бојадисување, изјави Роме за апла.мк.

Директорот Роме наведува дека за санација на состојбите во школото  потребна им е  помош од локалната самоупрва.

-Градоначалничката е информирана за оваа состојба и се надеваме на позитивен одговор од страна на општина Битола. Санацијата е неопходна,  а за тоа се потребни средства што училиштето ги нема, вели Роме.

Во ужасна состојба се и олуците како и покривот на училиштето кој сеуште е прекриен со азбестни плочи кои се крајно оштетени и при поголеми  дождови ги поплавуваат спортската сала и дел од училниците. Азбестните плочи се на површина од околу 3200м2.

Ова училиште можеби  е и единствено во Општината кое е со стара и дотраена дрвена дограма која не дихтува и токму поради тоа има  огромни загуби на нафта за греење. Прозорците зјаат па најголем дел од нив се заковани како би се намалил провевот.

Новото раководство прави напори да обезбеди замена на дограмат со цел решавање на овој проблем.