Со коцката од Ленски мост до „Хигиена“ битолската чаршија заличува на старите добри времиња

Јули 03, 2018

За реконструкција на Булеварот „Први Мај“ од Ленски мост до мостот кај „Хигиена“ остануваат уште триесеттина метри. Просторот заличува на шеталиште и потсетува на старите добри времиња кога покрај реката Драгор на овој потег се движеле исклучило само пешаци, што не беше случај до пред неколку месеци кога помунуваа и возила. И дуќанџиите се задоволни од реконструкцијата на улицата, со надеж дека муштериите ќе имаат подобар и полесен пристап до нивните дуќани. 

 

-Од вкупната должина, за реализација остануваат уште 30 тина метри во делот на коловозот, каде заради заштитеното градско јадро и зачувување на амбиенталноста на Старата чаршија, неопходно е да се пререди и задржи коцката. Реализација на овој проект и завршувањето на активностите во делот на коловозот со изградбата на новите тротоари, ќе биде комплетирана најдоцна до средината на месецот, - потврдија од Општина Битола.

Во завршна фаза се активностите за реализација на проектот за употреба и одржување на линиската инфраструктурна градба на ул.Булевар 1 мај, во должина од Ленски мост до мостот кај „Хигиена“ со вкупна должина од 166 метри. На овој потег, ЈП „Водовод“ постави нова водоводната мрежа и нови приклучоци до сите објекти, додека ЈКП „Нискоградба“ заврши со поставувањето на канализационата мрежа, а од подземните инсталации завршено е и поставувањето на инсталациите за електрична енергија и телефонија.

Досегашната реализација е со вредност од 4 052 000 денари.

Сподели

Login to your account

Username *
Password *
Remember Me
© 2021 АПЛА.мк. Сите права се задржани