„Граѓаните ќе имаат можност да вршат селекција на отпадот и пластиката да не ја ставаат заедно со другиот отпад. Тој пластичен одпад ќе се подига еднаш месечно, а по потреба и повеќе пати. Не е лоша соработката со граѓаните, но имаме проблем со таканаречените диви собирачи на пластика и на хартија. Тоа претежно се случува од контејнерите. Количините на собрана отпадна пластика сѐ уште се на недоволно ниво“, рече Панде Богоевски, директор на ЈП„Комуналец“.

Градоначалничката Наташа Петровска рече дека оваа акција е сериозен придонес кон третманот на отпадот.

„Свеста не се прави преку еден ден, туку се надоградува низ низа активности. Искуството покажа дека селектрирањето на стаклото беше успешно во Битола и дека доколку се работи во оваа насока можеме да направиме многу повеќе во селектирањето и третманот на отпадот во нашата општина“, рече Петровска.