-Оваа книшка, претставува еден оглед-обид за соочување на илинденските митографски простори со постколонијалната реалност на 20-ти век, за потребата од современ спекулум при проучувањето на секојдневието на луѓето од „илиндескиот период“, сместени во географско-климатската специфичност на Демирхисарскиот регион, вели меѓу другото авторката Ивана Хаџиевска.

-За издавачот, организаторите и програмско-научните соработници на Демирхисарската летна школа, оваа публикација има посебно значење, бидејќи целосно ги афирмира основните концепциски и програмски заложби на учесниците да им се овозможи една поинаква форма на научна комуникација, непосредна и интерактивна, остварена низ теренска и практична настава и усвојување на нови научни сознанија, како за Демирхисарскот регион, така и пошироко за политичката и културната историја на Македонија, напиша во предговорот на книгата д-р Сашо Цветковски, координатор на Демирхисарската летна школа.

Ивана Хаџиевска e родена во Битола, дипломирала на Филозофскиот факултет во Скопје (Институт за историја), со развиен интерес и извршени истражувања на теми во рангот на родовата историја, социјална историја, пост-колонијални движења, биополитика. Се обидува да го поврзе истражувачкиот интерес со инклузивно образование и локален активизам. Автор е на серија статии на pirej.mk .