Во иднина ќе треба добро да се осмислат чекорите за реализирање на оваа иницијатива поради процедурите за есхумација кои би следеле бидејќи Јанаки е погребан во Грција.

Денес како што е традиција во рамки на ИФФК „Бараќа Манаки“ беше положено свежо сцвеќе на грдбот на Милтон Манаки во Битола. Цвеќе положија претставници на Општина Битола, Советот, на влашката заедница во Битола, додека во име на фестивалот пригодна реч одржа директорката на 39. ИФФК „Браќа Манаки“, Гена Теодосиевска.

„Благодариме за грижата со која се однесувате кон овој споменик на културата“, рече Гена Теодосиевска обраќајќи се кон претставниците на влашката заедница, и додаде: „бидејќи мислам дека браќата Манаки имале некакво претчувство дека нивната активност еден ден ќе има некаква вредност, дека некои идни генерации ќе ја земат предвид и ќе знаат да ја почитуваат. Тоа се случува денеска, со нашата посета на нивното вечно почивалиште“, рече Теодосиевска.

Прогодна реч одржа и Најџел Волтерс, кој веќе 12 години доаѓа во Битола и е вистински пријател и партнер на фестивалот „Браќа Манаки“:

-Во името на фестивалот голема чест и привилегија е да се биде тука и да се чествува животот и делото на двајцата браќа, кои направиле толку многу за раната кинематографија, за историјата на Балканот и за интернационалните кинематографери, кои секоја година доаѓаат во Битола на овој фантастичен фестивал што сите ние го сакаме, рече Волтерс.