Битола ќе добие затворен базен, ќе се гради кон средина на годинава во дворот на ОУ „Даме Груев“

Февруари 01, 2019

Општина Битола ќе добие затворен базен кој кон средината на оваа календарска година ќе почне да се гради во дворот на ОУ „Даме Груев“ во Битола. Базенот ќе биде изграден со средства на Владата и Агенцијата за млади и спорт. Ќе има димензии 25 на 10 метри и при употребата предност ќе имаат учениците од основните и средни училишта, но ќе можат да го користат и другите граѓани.

 

„Овој проект треба да овозможи училишни рекреативни и спортски активности за тренинг, но и за натпревари од локален карактер во спортови на вода. Базенот пред сѐ ќе биде корисен за спортско рекреативни настани во делот на училишниот спорт, каде предност на користење ќе имаат основните и средните училишта, а во подоцнежните попладневни часови и граѓаните на Општина Битола ќе имаат право на користење“, рече Методија Илиевски, координатор на советничката група на СДСМ и коалицијата.

Тоа што Агенцијата за млади и спорт достави апликација до Општина Битола за изградба на затворен базен, според Илиевски е потврда за цврстата соработка на централната и локалната власт, а добиениот проект е потврда за лобирање на локалната власт за добивање на значајни објекти во градот под Пелистер.

„Продолжуваме со вложување во развој на спортските објекти. Во оваа градежна сезона продолжуваме со интензивна градба на стадионот Под Тумбе кафе и сериозна санација на спортската сала Боро Чурлевски“, додаде Илиевски.

Сподели

Login to your account

Username *
Password *
Remember Me
© 2021 АПЛА.мк. Сите права се задржани