-Со овај проект беа предвидени да се конструираат два 3Д скенери кои што ќе работат на различен принцип. Требаше да се постави некој хипотеза односно претпоставка, ние претпоставивме дека со едниот 3Д скенер што ќе го конструираат учениците  ќе излезат подобри 3Д модели отколку со другиот 3Д скенер, рече професорот Илче Ацевски, координатор на проектот.

Од стотина апликации кои учествувале на повикот на Фондот за иновации само 20 училишта од државата добиле грант, а   меѓу нив и Техничкото училиште од Битола.

-Горди сме што финализиравме еден навистина успешен проект со кој што новите светски трендови ги имплементиравме во нашето училиште и што 3Д технологијата им ја доближивме на нашите ученици. Техничкото училиште од секогаш било расадник на квалитетни ученици кои веднаш по завршувањето на образованието се спремни да конкурираат на пазарот на трудот или да се надградат на некои од високообразовните онституции во државата. Би апелирал до МОН и до локалната самоуправа конечно да почнат да го вреднуваат трудот на наставникот и на учениците и да издвојат наменски средства за модернизација на училиштата како и за развој на креативноста на младите луѓе. Мора да најдeме начин нашите квалитетни кадри да ни останат во државата. Велат иднината им останува на младите. Ако е така да направиме се да им создадеме услови на младите да останат овде бидејќи без нив немаме иднина. Нашите ученици секојдневно бележат забележителни резултати на сите регионални и државни натпревари со што го оправдуваат нашиот примат на водечко училиште во југозападниот регион. Воедно ги повикувам сите основци кои имаат афинитет кон техниката да го изберат нашето училиште во кое ќе го оформат своето средно образование и ќе се стекнат со практично применливи знаења., рече Владимир Роме, директор на СОТУ " Ѓорѓи Наумов" -Битола

Проектот денеска беше  презентиран и  пред директорот на Фондот за иновации и технолошки развој, Јован Деспотовски.