Деновиве претставници на Европската ракометната  федерација извршиле инспекција и дале согласност РК „Еурофарм Пелистер" натпреварите во рамки на Лига на шампиони и СЕХА лига да ги игра во Битола.

Советникот во Советот на Општина Битола Борче Корлевски вчера објави фотографии од реконструираните тоалети,  новата опрема во салата, осветлениот паркинг и вели дека останува во понеделник да се подготви и семафорот.

Во истовреме завршена е реконструкцијата и обезбедени се високи стандарди во соблекувалните, просторот за одмор на ракометари и престој на ракометните судии, а поставено е и ново осветлување на теренот во салата. Деновиве привршува надворешното уредување на спортската сала, влезовите во салата како и влезот на големиот паркинг кој овие денови инфраструктурно се уредува и кој ќе овозможи непречено паркирање на возилата на публиката, како и посебните возила на гостите од странство.