Webp.net gifmaker

ДОМАШНИ МЕНАЏЕРИ ВО СТРАНСКИ КОМПАНИИ ДА НЕ СЕ ПРОТИВАТ НА СИНДИКАЛНОТО ЗДРУЖУВАЊЕ, ПОРАКА ОД ТРИБИНАТА НА МКЦ

Декември 11, 2019

Од страна на домашните менаџери во дел од компаниите со странски капитал во земјава се врши голем притисок врз работниците синдикално да не се здружуваат, а голем удел во ова имаат и некои државни трудови инспектори кои не се на ниво на задачата, рече Слободан Трендафилов од Сојузот на синдикати на Македонија на денешната јавна дискусија „Синдикално здружување во приватниот сектор“ во организација на МКЦ-Битола.

 

„Како промер ќе посочам една компанија во соседен град на Битола во која директно од домашниот менаџер во странската компанија се врши директен притисок за отчленување на работниците кои од команијата се зачлениле во синдикатот. Во Скопје во компанија каде биле зачленети 400 работници во синдикат, денес има само еден. Ја користиме секоја прилика да апелираме до надлежните во Министерството за труд и социјална политика и до надележните во Државниот инспекторат за труд да ги преземат сите мерки согласно законот за спречување на ваквите појави“, рече Трендафилов.

Според него, Трудовиот инспекторат не треба да избегнува да ги казни овие кои двапати- три пати ја повторуваат истата грршка, односно спречуваат синдикално здружување. Посочи дека во компанија од Прилеп има два синдикати, а работодвачот прави сѐ едниот да го згасни. Од друга страна, Трудовиот инспекторат се доставени документи , писмени докази дека се прекршува Законот за работни односи, а тој разговара директно со менаџерот , а не постапува соглсно неговите надлежности.

„Најголем проблем за синдикално здружување се договорите за вработување на определено време кои, за жал, со сегашната законска регулатива може да се склучуваат секој месец по еднаш или 12 пати во годината, со тоа се намалува сигурноста на работниците, а со тоа и можноста да се вклучат во синдикално здружување зашто од страна на работовачите на оние кои ќе се здружат им се откажуваат договопите по истекои на рокот. Во голем број на странски компании само директорот, менаџерот има договор за вработуање, а сите останати работиници имаат договори за вработување на определено време што во една држава која е аспирант за челнство во ЕУ не би требало да се случува“, рекоа од Сојузот на синдикати.

Сепак, има и искучоци, односно позитивни примери како што е битолската компанија Сокотаб, каде 75 проценти од вработени се синдикални членови.

„Синдикалната организација да го попоправи имиџот одо изминатите години и да се помрдни од таа точка на организација која обезбедува роба на рати, полутки, во организација која ги застапува интересите на вработените. Од друга страна менаџментот треба да се ослободи од тие предрасуди формирани од дамнешни времиња и да сфати дека и во нивен интерес е да обезбедат подобри услови за вработените“, рече Билјана Силјановска од „Сокотаб“.

Ж.ЗДРАВКОВСКА

Login to your account

Username *
Password *
Remember Me
© 2019 АПЛА.мк. Сите права се задржани