Премиерот Димитар Ковачевски го изводи советникот на СДСМ Методија Илиевски како еден од најконструктивните советници во  Советот на Општина Битола од редовите на СДСМ во делувањето во Советот.

Запрашан дали ги следи состојбите во Советот на Општина Битола околу  турбуленциите со изгласувањето на ребалансот на буџетот тој рече дека е запознае со дел од случувањата во Советот на Битола и дава поддршка на делувањето на советничката група на СДСМ, јасно  издвојувајќи го  делувањето на координаторот Илиевски.

-Изразувам поддршка до советниците, таму има исклучителни советници, Методија е еден  исклучителен млад човек, советник, кој што има ставови кои јас ги подржувам. Смета дека професионалци и луѓе кои што ја знаат работата треба да раководат со институциите во Битола. Тој пристап на инклузивност на вклучување на луѓе од невладиниот сектор и експертската јавност ќе даде многу подобар резултат.  Битола е значаен град во нашата држава, не дека другите се помалку значајни, но Битола е значајна во нашата историја во секоја смисла. Затоа сметам дека Советот на Битола заслужува да носи одлуки кои ќе бидат во интерес на граѓаните, а не да бидат во интерес на една политичка партија, рече  премиерот Ковачевски одговарајќи на новинарско прашање при почетокот на градежните работи на коридорот 8.