По сушните декември и јануари, Битола доживува вистинска снежна идила на крајот од февруари.

Разбојник со вперен пиштол во вработените ограбил аптека во Битола. Настанот  се случил синоќа  околу 20 часот, кога  во битолската полиција било  пријавено Разбојништво од страна на вработена во аптека лоцирана на ул.“Филип Втори Македонски“. Непознато машко лице влегло во аптеката и веднаш се упатило позади работното биро, каде што вработените го броеле дневниот промет, извадил и репетирал пиштол, и откако ги зел парите и еден мобилен  телефон се дал во бегство.

Со едукативна трибина во орагнизација на Центарот за европски развој и интеграции, Здружението за одржлив развој СФЕРА Македонија- Битола, „Сумнал“-здружение за развој на ромската заедница и Организацијата на жени од Битола, беше одбележан Денот на социјланата правда-20 февруари. Целта на оваа трибина е да се актуелизира потребата за суштинска борба против сиромаштијата, нееднаквоста, невработеноста и општествената маргинализираност , и да се подигне степенот на информираност но и ангажираност на граѓаните за остварувањето на принципите на социјална правда кои се предуслов за просперитетно и хумано општество.

Возач од Битола со иницијали П.Ц. во текот на вчерашниот ден бил пронајден починат на царинскиот терминал на Табановце, информираат од Регионалниот центар за управување со кризи.

Лицето на засега непозната возраст од вчера бил на терминалот во Куманово за да ги среди документите и обврските за камионот во кој што останал да преноќи. Во текот на утринските часови, околу 07:20 часот бил пронајден мртов.

Дел советници од битолскиот Совет со наводно оправдување дека се на комисија  која  заседава за потребите на Советот , често отсустувале од работа, реагираат до редакцијата на  Апла.мк група битолчани. Како што е наведено, реакцијата се однесува на дел од советниците кои работат во некои од државните и општинските институции.