Се трасираат и се подготвуваат за асфалтирање улиците во новата населба Златен рид.Интензивно се работи на градежните активности околу пробивањето и трасирањето на улицата „Тодор Скаловски“ , зад зградата „Аурум“.

Во населбата „Златен рид“ се изведуваат градежни активности на вкупно 5 улици во АРМ 1 и АРМ 2, кои треба да ги поврзат станбените и индивидуалните објекти со градската улична инфраструктура, информираат од Општина Битола.

Денеска започна изградбата на внатрешните станбени улици во новата населба „Златен рид“. За почеток багерите влегоа во улицата „Тодор Скаловски“ позади зградата „Аурум“. Од кредитот за изградба на улици во поранешната касарна што го подигна бившата локална власт во висина од 2 и пол милиони евра, останале пари, па новата локална власт донесе одлука да  прави уште десет нови улици во поранешната касарна.