Webp.net gifmaker

Директно

Советот на Општина Битола денеска  не ја изгласа реализацијата на краткорочните мерки за справување со загадувањето. Опозицијата предложи Општината во соработка со Агенцијата за патишта да забрани движење на товарни возила во центарот на градот, освен за оние за снабдување со леб и лекови.

Договор за соработка во областа на хирургијата, денеска потпишаа директорите на болниците во Битола, Корча, Албанија и Лерин, Грција. Станува збор за соработка во областа на хирургијата и воведување нови методи на лечење, кои досега не се применувале во овие три болници. Проектот е подржан од европските фондови, а ќе се реализира со врвни едукатори од земјите на ЕУ.

35 годишниот Т.С. од битолското село Граешница го загуби животот во сообраќајната несреќа што попладнево во 17,20 часот, се случи на магистралниот пат Битола-Прилеп во близина на Топлчани, при судир на две возила марка „Голф 4“ со битолски регистерски таблички и „Голф “5 со прилепски регистерски таблички, потврди  за Апла.мк, портпаролот  на битолската полиција, Лефтерија Миленковска.

Едно лице загина, а 4 се тешко повредени во сообраќајна несреќа што се случи во 17,20 часот попладнево на патот Битола-Прилеп, потврдија од битолската полиција за Апла.мк

(По повод 99 годишнината од Денот на потпишувањето на примирјето во Првата светска војна ја пренесуваме животната приказна на Михајло Куртевски, кој будно ја чуваше секоја педа од Француските гробишта во Битола. Текстот беше објавен во 2005 година, додека Куртевски беше жив. Го пренесуваме изворно.)    

12 491 350 евра e  вкупниот долг што екс градоначалникот Владимир Талески и го остави на  новата градоначалничка на општина Битола, Наташа Петровска. Од нив  3 339 211 евра општината должи по основ на пристигнати фактури за извршени работи и други финансиски документи, а 9 152 139 евра по основ на потпишани договори, на кои во најголем дел рокот за исплата им е поминат. Ваквите долгови ја прават општината неликвидна,  соопшти битолската градоначалничка Наташа Петровска на денешната прес конференција свикана со цел да ја информира јавноста за финансиската состојба која ја наследи во општината.

Владата ќе обезбеди средства за обнова на Офицерскиот дом во Битола. Исто така, од државниот буџет ќе се обезбедат пари и за изградба на споменик на вечниот дом на македонската поп-икона Тоше Проески во Крушево.

Загина 19 –годишниот битолчанец Ѓорѓи Т., а неколкумина други се повредени во тешка сообраќајна несреќа  што утрово околу 8 часот се случила меѓу три патнички и едно товарно возило на патот Битола-Прилеп кај Петилеп, потврдија зa Апла.мк од битолската полиција.

Во сообраќајната несреќа учествувале три моторни патнички возила и едно товарно возило. Но, засега нема податоци како дошло до сударот. Тоа биле „рено твинго“ и „шкода“ со битолски регистарски таблички, мерцедес со скопски и камион „ман“ со велешки регистарски таблички. По сообраќајката возилото „мерцедес“ било изгорено. 

Увид на местото на несреќата изврши јавен обвинител и екипа од СВР..    

Поранешниот градоначалник на Битола, Владимир Талески, ќе седне на обвинителна клупа за негрижата за битолскиот Офицерски дом. Основното јавно обвинителство од Битола поднесе обвинение за Талески за кривично дело „несовесно работење во службата“ затоа што,  иако бил должен да обезбеди одржување, не презел се што е потребно за заштита на објектот кој е во надлежност на општина Битола. Од Основниот суд во Битола, за Апла.мк потврдуваат дека главната расправа за овој судски процес, која требаше да се одржи вчера е одложена по барање на одбраната на Талески.

Да се направи ребаланс на буџетот побара од Советот градоначалничката на Битола, Наташа Петровска. Веднаш по превземањето на функцијата Петровска, со своја екипа, почна да прави анализа на финансиската состојба на општината, на она што наследила во општинската каса и колкави се долговите.

Login to your account

Username *
Password *
Remember Me
© 2020 АПЛА.мк. Сите права се задржани